О́tken senbi kúni qala aýmaǵyna qarasty Qarajar aýylynyń mańyna óńir jurtshylyǵy, qonaqtar, ánshi-kúıshiler daryndy dala bulbuly, qazaq mýzyka óneriniń shoq juldyzy Estaı Berkimbaevtyń 150 jyldyǵyn atap ótti.
Ár qazaqtyń júreginen oryn alatyn «Qusnı-Qorlan» atty ǵajaıyp ándi opera ánshisi, jerlesimiz Shahmardan Ábilov oryndap berdi. Dalada áýelegen sulý ánniń rýhy qalyqtady. Kıiz úılermen sáni jarasqan merekelik sharaǵa jınalǵan óner súıer jurtshylyq jas ónerpazdardyń festıvalin, zııaly qaýym qatysqan shyǵarmashylyq dıalog alańyndaǵy kezdesýdi kórip, án men jyr tyńdady. Rýhanı ádebı-mádenı merekege oblys ákimi Bolat Baqaýov qatysty.
Oblys ákimi B. Baqaýov Estaıdyń nemeresi Zeken apaǵa qazaqy kamzol japty. Sonymen birge, «Rýhanı dıalog» alańynda Los- Andjeleste ótken Halyqaraalyq baıqaýda jeńiske jetken «Bastaý» dombyrashylar tobyn jeńisimen quttyqtady. Osy topta óner kórsetetin Temirlan Oljabaı bolsa Estaıdyń jıeni.
Toıǵa kelgen qonaqtar arasynda «Juldyz» jýrnalynyń bas redaktory Ǵalym Jaılybaı, elimizdiń kompozıtorlar Odaǵynyń tóraıymy Balnur Qydyrbek, ónertanýshy Qaırat Aıtbaev, jazýshy, dramatýrg Ánes Saraı jáne basqalary boldy. Shara sońynda «Qorqyt» respýblıkalyq etno-folklorlyq ansambili óner kórsetse, qolóner sheberleriniń buıymdary halyq nazaryna usynyldy. Sońy alaman báıgege ulasty.
Farıda BYQAI
«Egemen Qazaqstan»
Pavlodar
Sýretti túsirgen: Valerıı Býgaev